SAKABEH MANUSA BAKAL DIPAKSA MUDIK..

Sasih ramadan sinareng iedul fitri tos kalangkung, mung nilai-nilai anu aya dina sasih ramadan jeung kayakinan urang dina alquran kudu jadi pitutur, jeung panggeuing yen urang sadaya bakal balik mulang ka asal ka Dzat Alloh SWT. 

".. Saestuna nya Kami pangbalikan maranehna, tuluy saenyana hak kami ngabalitungkeun (amal) maranehna." (Al _ghosyiyah : 26)

Eta Surat mangrupa panggeuing ti Alloh SWT, mangka urang sadaya bakal mulih bakal mudik ka Anjeuna. Urang moal tiasa nyangkal bakal dipaksa mudik sok sanaos keur betah hirup atawa dina kaayaan pada senang jeung bungah. Ari maot mah datangna moal pandang hulu teu paduli rahayat, atawa raja, nu lemah atawa nu mulya, kaya atawa miskin, moal bakal ngahancurkeun sagala kalejatan, morak morandakeun parkumpulan, ngajadikeun anak lalaki atawa awewe jadi yatim piatu, suami istri bakal jadi janda jeung duda kulantaran maot sadayana moal bisa lumpat tina jangji sareng katetapan Alloh.

Dina waktu ajal ngajemput, dina waktu urang mudik ka Dzat Alloh,  urang sadaya, ka asup jalma anu sukses dina mudikna?

Anu bakal disambut jeung dibageakeun ku pirang-pirang kabungahan jeung kabagjaan atawa kaasup pamudik anu gagal lantaran teu sukses ditempat perantoan nyaeta alam dunya, anu pada akhirna dina waktu mudikna bakal dipapag jeung disambut ka prihatinan jeung kasedihan, sukses sinareng teu suksesna tempat pemudik diwaktu balik ka kampung aherat tergantung sukses  jenung teu suksesna tempat parantoan, bekel naon kira-kira nu bisa dipersiapkeun, dijagokeun ku urang sadaya dina waktu mudik, diwaktu ngahadap Alloh ku hal eta mangga urang emutan deui tina ayat yen urang sadaya bakal mudik jeung amal urang bakal urang dihisab. urang sami-sami nyiapkeun amal pikeun pibekelen dimana urang bakal dipaksa mudik kalembur abadi (aherat) ku jalan istiqomah dina iman jeung takwa ka Dzat Alloh SWT.